Quanno 'a notte m'astregne,
quanno 'a luna s'appiccia,
dinto  'o lietto t'aspetto,
comme tant'anna fa'.

Chesta vita ca passa,
nun te lascia maie  niente,
si nun fosse pe l'ammore,
io, che campasse 'a fa'.

M'arricordo 'u primmo juorno,
tu me guardave sempe,
io m'appicciavo 'o core,
sultanto 'a te pensa'.

"Sarrai pe sempe 'o mio"ù
diciste a me, sincera.
Pecche' chi s'annammora 
 prumette, senza sbaglia'.

Mo so passate l'anne
'o tiempo nun te sente,
te piglia e nun t'aspetta,
quanno te stai faccenno vecchio,
e tu te vuo ferma'.

Tu si ancora chiu' bella
cu sti capelli janche
io arroppe t'antanne
tremmo ancora 'a te'guarda'.

Dinto all'uocchie tuoie,
me fermo natu poche,
quasi riesco a leggere
 mille parole ca vonno parla'.

'E figlie ormai so grosse
'o monne ormai se ne fotte,
a vita cagna faccia,
ma 'a storia nostra ,nun a po tucca'.

M'astrigne forte forte,
me tiene stritto mpietto,
io e te, na cosa sola,
io e te duie viecchie nammurate.

ANNARELLA